Мали сојузници на стилот и задоволството

Постои нешто магично во начинот на кој една жена си ја отвора чантата, како да отклучува мал, интимен универзум. А во него, ништо не е случајно. Сè е внимателно селектирано со намера да ја збогати нејзината секојдневна одисеја.

Во екот на летото, додека воздухот трепери од жештина и авантура, да ѕирнеме во овој приватен свет за да ги откриеме тајните сојузници кои ја прават модерната жена подготвена за сè што ќе ѝ донесе животот. Станува збор за предмети кои покрај паричникот, мобилниот телефон и клучевите, шепотат приказни за самољубие, практичност и непоколеблива единственост:

1. Мини парфем во рол-он или спреј

Мало шишенце со омилениот парфем е тајното оружје на секоја жена што знае дека мирисот е продолжение на нејзината аура. Секогаш со вас, но никогаш наметлив, личниот мирисен потпис треба да биде тивок шепот на стилот.

2. Компактни слушалки

Во бучниот танц на урбаниот живот, слушалките се портал кон личен свет на мир и инспирација. Навидум мал, но суштински предмет кој ве потсетува дека имате контрола над својата околина, создавајќи своја сопствена акустична оаза каде и да се наоѓате.

3. IQOS ILUMA i

За моментите кога си давате време за себе, тука е најновиот уред наменет за полнолетни пушачи и IQOS корисници, што води до мал ритуал за повлекување од сè хаотично. IQOS ILUMA i ги придружува корисниците на кафе средбата со најдобрата пријателка, на паузата помеѓу состаноци, на after work забава со колегите, на летна ноќна журка... а притоа ќе ви покаже зошто е симбол на прилагодување и персонализација.

Со унапредена флексибилност и интуитивност, новите уреди им овозможуваат на корисниците сами да го диктираат својот ритам. Благодарение на опцијата TouchScreen, сега можете да го следите преостанатото време од консумацијата, бројот на достапни последователни консумации и статусот на загревање.

Тука е и функцијата FlexBattery која ви овозможува да бирате помеѓу два режима – Performance наменета за оние корисници со брзо темпо на живот и Eco, режим што го продолжува животниот век на батеријата на држачот.

А ако некој или нешто накратко ви го прекине искуството, ја имате опцијата Pause Mode со која можете да паузирате до осум минути и да продолжите таму каде што сте застанале.

Овој производ не е без ризик, ослободува никотин кој предизвикува зависност. Само за полнолетни.

4. Шик очила за сонце

Очилата за сонце не се само впечатлив моден додаток, туку и штит за деликатните очи и вешти прикривачи на тајните на душата. Без разлика дали се класични авијаторки или гламурозни „мачкести очи“, очилата го комплетираат аутфитот со софистицираност и даваат опција да набљудувате без да сте забележани.

5. Практичен нотес

Нотесот е лојален сопатник на организираните и креативни личности. Запишувањето идеи, планови или инспиративни мисли во моментот кога ќе се појават, зборува за жена која е свесна за силата на својот ум и амбициозноста на своите цели. Протнете во чантата елегантен мал бележник и пенкало, документирајте сè што е важно за вас и нема да зажалите.