Rituale të ëmbla që ndezin shkëndijën e dashurisë për Shën Valentin (dhe çdo ditë tjetër)

Romanca nuk ka pse të jetë e zhurmshme apo pompoze për të qenë e fuqishme. Ndonjëherë mjafton një këngë në orët e vona, një mesazh i shkurtër që ka fuqinë të ndryshojë humorin – madje edhe të gjithë ditën – apo një ndjesi që flet më shumë se një poezi e gjatë dashurie. Ritualet e vogla intime e ruajnë afërsinë dhe i japin thellësi dashurisë.

Prandaj, këtë Shën Valentin hiqeni fokusin nga surprizat madhështore dhe përqendrohuni te ritualet e ëmbla që lindin spontanisht, por mbahen mend gjatë.

Një vallëzim 5-minutësh

Pavarësisht sa të lodhur jeni, vendosni një këngë dhe vallëzoni lirshëm në mes të kuzhinës apo dhomës së ndenjjes. Baladat zgjojnë sensualitetin, ndërsa ritmet e shpejta ju nxisin të argëtoheni.

Mesazhi që ndryshon ritmin e ditës

Një fjali e vetme, asgjë më shumë. Kur jeni larg njëri-tjetrit, dërgoni një mesazh të shkurtër dhe të papritur me pak humor dhe flirt lozonjar.

Një mesazh që e dini se do të zgjojë emocione të forta, ndoshta edhe fantazi, dhe që patjetër dërgon sinjalin se është në mendimet tuaja dhe mezi prisni të takoheni.

“Bisedë” pa fjalë

Kjo është një praktikë që vjen nga traditat e vjetra tantrike, por është jashtëzakonisht e fuqishme edhe për çiftet moderne. Uluni përballë njëri-tjetrit, prekni gjunjët dhe vendosni një kohëmatës për 3–5 minuta. Qëllimi është vetëm të shikoheni sy më sy, pa thënë asnjë fjalë.

Shumë njerëz pajtohen se kjo praktikë e thjeshtë është “fajtore” që i bën të bien sërish në dashuri me partnerin.

Një moment për ne

Mes gjithë mesazheve, vallëzimeve, lojërave të shqisave dhe shikimeve pa fjalë, gjithmonë ekziston një ritual që i lidh të gjitha – pauza e përbashkët. Një çast i shkurtër kur ngadalësoni ritmin, kur bota ndalet dhe kur nuk ka nevojë të ndodhë asgjë tjetër, përveçse të jeni të pranishëm.

Një përvojë e sofistikuar me IQOS mund të jetë shoqëruesi i përkryer i këtyre momenteve.

Për të, është një moment relaksimi fizik dhe mendor.

Për të, një moment qetësie të plotë.

Ndërsa për të dy, një ritual që lidh dhe kujton se dashuria jeton pikërisht në ato çaste të vogla të përbashkëta.

Love it’s on – për të dashurin, për të dashurën, për ne!