Награда за најдобар мобилен сајт

Оваа година, стручното жири на изборот за „Сајт на годината“ во организација на „Media Solutions“, а поддржано од публиката, одлучи да ни даде уште едно признание во низата, со кое уште еднаш потврдивме дека сме на вистинскиот пат – да им обезбедиме на нашите корисници целосно и пријатно искуство во нивниот ритуал на уживање во вистинскиот вкус на тутун.

Сајтот iqos.mk го освои третото место за најдобар мобилен сајт за 2020 година, а беше номиниран и во категориите е-трговија и огласи, како и ИТ и електроника. Оваа награда на крајот од оваа година, потврди дека корисничкото искуство и задоволство се наш врвен приоритет уште од самиот почеток. Континуираното усовршување и работата на иновации постојано се во фокусот на нашето работење, а потрошувачите го препознаваат и вреднуваат таквиот пристап.

Иако оваа награда ја примивме со голема чест и задоволство, наша најголема награда и потврда за нашите континуирани напори за подобрување се многуте задоволни корисници на IQOS на кои им овозможуваме да уживаат во комплетното искуство.

Ви благодариме што нè препознавате.