Kur dizajni bëhet lëvizje: historia e Goran Miqiq për Curious X

Në një botë ku dizajni shpesh konsumohet shpejt dhe në mënyrë sipërfaqësore, Goran Miqiq krijon të kundërtën. Qasja e tij nuk është vetëm vizuale, por thellësisht personale. Çdo linjë ka një arsye, dhe çdo formë mbart një kuptim. Si pjesë e programit Curious X të IQOS, Miqiq i përjetëson dizajnet e tij "jashtë lëkurës" përmes pjesëve të dizajnuara të veshjeve që përdoruesit mund t'i zgjedhin dhe t'i përshtatin në stilin e tyre personal.

Në këtë intervistë, flasim për frymëzimin, sfidën dhe emocionin pas dizajneve Motion dhe Velocity dhe çfarë do të thotë kur arti merr një formë të re.

Si e përjeton momentin kur arti yt del "jashtë lëkurës" dhe bëhet pjesë e diçkaje më të gjerë?

Është një ndjenjë shumë specifike. Jam mësuar që puna ime të jetojë në lëkurë, si diçka shumë personale dhe e qëndrueshme. Kur i njëjti art bartet në një medium tjetër, si veshje apo format digjital, kjo për mua është një sfidë e re. Papritur, vepra nuk është vetëm për një person, por bëhet diçka që më shumë njerëz e shohin, e zgjedhin dhe e veshin në mënyrën e tyre. Kjo sjell përgjegjësi më të madhe, por edhe liri më të madhe për të treguar një histori në një mënyrë tjetër.

Çfarë do të thonë për ty dizajnet Motion dhe Velocity?

Motion dhe Velocity janë të frymëzuara nga lëvizja, por jo vetëm ajo fizike. Për mua, kjo është një lëvizje e brendshme, ndryshim, energji që nuk mund ta mbash. Motion e shoh si rrjedhë, diçka që zhvillohet vazhdimisht, ndërsa Velocity është intensiteti i asaj lëvizjeje, momenti kur gjërat përshpejtohen dhe bëhen më të forta.

Frymëzimi erdhi nga momentet e përditshme, nga ritmi i qytetit, nga njerëzit, nga energjia që ndjen rreth vetes. Doja ta shndërroja këtë ndjesi në një pamje që nuk qëndron në vend, por ka dinamikë dhe jetë.

Sa i ndryshëm është procesi kur dizajni duhet të jetë pjesë e një platforme si Curious X?

Është shumë më ndryshe nga tatuazhi klasik. Te tatuazhi ke një klient dhe një histori. Këtu ke publik. Njerëzit do ta shohin dizajnin, do ta ndjejnë dhe do të vendosin nëse lidhen me të.

Përveç kësaj, vetë procesi i votimit sjell një dimension të ri. Kjo do të thotë që dizajni duhet të komunikojë menjëherë, të tërheqë, por edhe të mbajë vëmendjen. Për mua, kjo ishte një sfidë për të krijuar diçka që ka thellësi, por edhe një forcë të qartë vizuale.

Si e përjeton faktin që njerëzit do të votojnë për dizajnet e tua dhe ato do të bëhen pjesë e një koleksioni?

Sinqerisht, kjo mbart një peshë të veçantë. Kur dikush zgjedh një dizajn, ai nuk zgjedh vetëm një vizual por edhe një histori. Dhe kur ai dizajn shndërrohet në diçka që njerëzit e veshin, atëherë bëhet pjesë e identitetit të tyre.

Për mua, kjo është vlera më e madhe. Të krijosh diçka që nuk mbetet vetëm art, por bëhet pjesë e jetës së përditshme të dikujt.

Çfarë dëshiron që njerëzit të ndjejnë kur t'i shohin këto dizajne?

Dua të ndjejnë energji. Të kenë ndjenjën se diçka po lëviz, se ka jetë në dizajn. Nuk dua vetëm t'u pëlqejë vizualisht, dua të njohin veten në të.

Nëse dikush ndalon, e shikon dhe ndjen diçka, atëherë e di që e kam arritur qëllimin.

Vota jote e çon historinë më tej

Curious X nuk është vetëm një platformë për dizajn. Është një hapësirë ku zgjedhja e komunitetit formëson formën përfundimtare të artit. Tani është momenti kur vota jote vendos se cilat dizajne do të vazhdojnë më tej dhe do të bëhen pjesë e një koleksioni ekskluziv..

Shiko dizajnet, ndjeje historinë dhe voto për atë që të përfaqëson më së shumti.

Voto këtu