Како се користи ZYN?

Никотинските ќесички се алтернатива без чад за оние што сè уште пушат. Тие не содржат тутун, туку никотин што се добива директно од растението тутун, заедно со внимателно избрани вкусови.

Се користат орално – така што ќесичката се поставува помеѓу горната усна и непцето, а никотинот постепено се ослободува во текот на околу 30 минути. Со оглед на тоа што нема согорување, користењето не создава чад, непријатен мирис или пепел. Тоа е и една од главните причини зошто некои возрасни пушачи се префрлаат на производи без чад, како што се никотинските ќесички кои нудат никотинско искуство без чад.

Формати на ZYN никотински ќесички

ZYN ќесичките постојат во различни формати и јачини на никотин, зависно од тоа какво искуство сакаш – понежно и избалансирано или посилно и поинтензивно.

Возрасните лица кои првпат пробуваат ZYN, вообичаено избираат варијанта што полека го ослободува никотинот и нуди помирно чувство. За поискусните корисници има посилни варијанти, со поинтензивен вкус и арома, што создава подлабоко никотинско искуство.

ZYN кутии

Една ZYN кутија содржи 20 никотински ќесички. Секоја од нив е запечатена, а под етикетата има мала преграда за складирање на искористените ќесички. Белите кутии содржат помали ZYN ќесички кои даваат поблага сензација и избалансиран вкус, додека обоените содржат варијанти со поинтензивен вкус и посилно дејство.

Совети за користење на ZYN никотински ќесички

1. Ќесичките се за еднократна употреба и не треба да се користат повторно.

2. Не треба да се џвакаат.

3. Користи ги веднаш по вадење од кутијата.

4. Не ги користи ако изгледаат оштетени, различни или скршени. Ако ќесичката се оштети за време на користење, веднаш прекини со употребата.

Колку долго трае една ZYN никотинска ќесичка?

Обично околу 30 минути, во зависност од јачината и вкусот што си го избрал.

Што ако случајно се проголта ZYN ќесичка?

Ако случајно се проголта, веднаш побарај медицинска помош. Ќесичките можат да претставуваат ризик од задушување, затоа секогаш чувај ги подалеку од дофат на деца. Ако дете ја искористи или проголта ќесичката, веднаш побарај лекарска помош.

Може ли ZYN ќесичка да се искористи повторно?

Не. Тие се наменети само за еднократна употреба. Кога ќе ја ставиш меѓу усната и непцето, таа постепено го ослободува никотинот. По околу половина час, вкусот и никотинот ќе бидат целосно потрошени и ќесичката треба да се извади и фрли.

Каде може да се користи ZYN?

Во Република Северна Македонија нема закон што забранува користење никотински ќесички во затворени простории. Сепак, одредени компании може да имаат свои внатрешни правила, па најдобро е да провериш пред употребата.

Рок на траење и чување

ZYN ќесичките имаат рок на траење до 12 месеци од датумот на производство, кој е наведен на кутијата. Датумот на рокот на траење се наоѓа на дното. Чувај ги добро затворени за да не се исушат, подалеку од деца и животни, на ладно и суво место. Нема потреба да ги чуваш во фрижидер или замрзнувач.

Како правилно да се фрлат ZYN никотинските ќесички?

ZYN кутиите имаат специјална преграда во капачето за привремено складирање на искористените ќесички. Тоа им овозможува на возрасните корисници да ги чуваат додека не најдат соодветно место за нивно отстранување.
Рециклирањето на ZYN кутиите помага да се намали отпадот и да се заштити животната средина. Провери ги локалните правила за рециклирање за да дознаеш како правилно да ја рециклираш кутијата. За повеќе информации, погледнете го водичот „Како правилно да ја отрстраниш ZYN кутијата“.