Италијанската естетика што го спојува луксузот и авангардната слобода

Кога ќе помислите на Италија, природно се јавуваат асоцијации на стил, добар вкус и смел дизајн. Зад еден од најинтересните интернационални брендови во светот на современиот ентериер постои приказна која започнува скромно на локалните пазари во еден мал град во Северна Италија. Време е да се запознаете со приказната на Seletti, бренд кој денес го препознаваат љубителите на уметност, авангардност и дизајн ширум светот.

Кој е Seletti?

Компанијата е основана во 1964 година од страна на Романо Селети во Cicognara, Mantova. Првично се занимавала со увоз и продажба на едноставни предмети за секојдневниот живот, достапни за сите. Сè се менува кога неговиот син, Stefano Seletti, уште на 17-годишна возраст влегува во семејниот бизнис. Со визија која ги надминува тогашните пазарни трендови, тој започнува ново поглавје за брендот, претворајќи го во препознатлив играч на светската сцена.

Seletti е познат по тоа што ги руши правилата на „совршениот дом“. Наместо ентериери каде секој детал е совршено усогласен, брендот внесува енергија, иронија и автентичност. Нивните дизајни често се смели, понекогаш провокативни, но секогаш препознатливи. Лампи во форма на животни, садови кои личат на скулптури, мебел кој изгледа како поп-арт уметничко дело, едноставно секое парче е комбинација на уметност и функционалност.

Seletti е доказ дека италијанската естетика може да биде и класична и авангардна во исто време. Ова е бренд што успева да го спои луксузот со храброста да се биде различен. Во светот на дизајнот каде многумина играат „сигурно”, Seletti се издвојува токму поради тоа што ризикува и создава предмети кои никого не оставаат рамнодушен.

Токму поради оваа уникатна филозофија, Seletti денес е повеќе од само име во светот на дизајнот. Брендот е симбол на автентичност и смелост, инспирација за сите што сакаат нивниот дом да има карактер и да биде одраз на сопствената индивидуалност.